Video/"podcast" frå Knarvik bibliotek
Så heldig eg føler meg, etter to fine kveldar på to ulike bibliotek her på Vestlandet. Å få møta lesarar på ein så unik arena, med lukta av litteratur sittande i veggane, og så få lov til å formidla tankar om mi eiga vesle forteljing - det gjer meg både rørt og glad.
Bergens Tidende spurte meg om eg kunne skriva eit innlegg på bakgrunn av innhaldet i romanen, og frå researchen eg har gjort i skriveprosessen. Så det gjorde eg. Her er innlegget (klikk på tittel eller bilde):
Det du ikkje får nok av: Å sitta med laptopen ved Adriaterhavet og fantasera, oppvarta av servitørar som kjem med vekselvis kald kvitvin og varm espresso. Klapra laus på tastaturet, legga til og trekka frå, etter kvart eta ein sjømatsalat og så rusla heim langs strandpromenaden, nøgd etter ein produktiv skrivedag.